Həndbol üzrə Azərbaycan çempionatının açılış mərasimi keçirilib

16.02.2017

2080

Paylaş:

Fevralın 16-da həndbol üzrə Azərbaycan çempionatının rəsmi açılışı olub.

Aşılış mərasimində çıxış edən Azərbaycan Həndbol Federasiyasının prezidenti Saleh Məmmədov həndbolçuları salamlayaraq 24-cü respublika çempionatının iştirakçıları barədə məlumat verib.

Federasiya rəhbəri bildirib ki, ölkə başçısı, Milli Olimpiya Komitəsinin prezidenti İlham Əliyevin diqqət və qayğısı nəticəsində 2017-ci ildə federasiyada edilən dəyişiklik ölkəmizdə həndbolun inkişafına təkan verəcək.

Bu günün Azərbaycan həndbolu üçün əlamətdar və yadda qalan bir tarix olduğunu deyən Milli Olimpiya Komitəsinin vitse-prezidenti Çingiz Hüseynzadə çempionatın uğurlu alınacağına inandığını bildirib. Respublikamızda həndbolun ənənələrini xatırladan Çingiz Hüseynzadə ölkə çempionatı ilə yanaşı, 4-cü İslam Həmrəyliyi Oyunlarında iştirak edəcək kişi və qadın komandalarına uğurlar arzulayıb.

Gənclər və İdman Nazirliyinin idman şöbəsinin müdiri, olimpiya çempionu Fərid Mansurov iştirakçıları salamlayaraq həndbolun sevimli idman növlərindən biri olduğunu vurğulayıb.

Qeyd edək ki, kişi həndbolçuların yarışında “RİOEUGİM”, “Təhsil”, “Məhsul”, “Nəsimi”, qadınların çempionatında isə, “Azəryol”, “Nur”, “Gənclər Birliyi” və “Qarabağ” komandaları mübarizə aparacaq. Çempionatın birinci dövrəsi fevralın 19-da yekunlaşacaq. İkinci dövrənin oyunları isə martda başlanacaq.

Son Xəbərlər

24.11.2025

Gənc həndbolçularımız Kosovada güclərini sınayacaq...

24.11.2025

Azərbaycanlı hakimlər Avropa Liqasınnın oyununu id...

17.11.2025

İslamiada: Qadın həndbolçularımız Qazaxıstan ilə ...

15.11.2025

Millimizin Özbəkistanla oyununun başlama saatı də...

Həndbol üzrə Azərbaycan çempionatının açılış mərasimi keçirilib

Son Xəbərlər

24.11.2025

24.11.2025

17.11.2025

15.11.2025

Digər Xəbərlər