Həndbol qaydaları
Oyun təqvimi
Xal cədvəli
Xəbərlər
Əlaqə

“Kür” “Qarabağ”la gərgin mübarizədən qalib ayrıldı

13.01.2025
296
Paylaş:

 


Qadın həndbolçuların Azərbaycan çempionatında X turun oyunları keçirilib. Final mərhələsinin ilk turunuun mərkəzi qarşılaşmasında Mingəçevirin “Kür” komandası “Qarabağ”ı qəbul edib. “Kür" Olimpiya Tədris- İdman Mərkəzində təşkil olunan görüşü beynəlxalq dərəcəli hakimlər Ələkbər Ağakişiyevlə Vaqif Əliyev idarə edib. Oyunun deleqatı isə Avropa Həndbol Federasiyasının nümayəndəsi İsgəndər Əsgərov olub.


Çempionluğa iddialı rəqiblərin qarşılaşması gözlənildiyi kimi gərgin və maraqlı mübarizə şəraitində keçib. Oyuna ev sahiblərinə xas fəallıqla başlayan “Kür” komandasının startdakı həmlələri daha effektli alınıb. Qapıçı Mədinə Musayevanın da inamlı çıxışı sayəsində hesabda irəli çıxan Mingəçevir həndbolçuları qələbəyə zəmin yaradıblar. Oyunun məcrasından razı qalmayan “Qarabağ”ın baş məşqçisi Sergey Kamburun götürdüyü taymautdan sonra rəqib qapısına nəhayət ki yol tapan qonaqlar vəziyyəti dəyişməyə nail olublar. Hissənin ortalarında “Qarabağ” hesabda irəli çıxmağı da bacarıb. Amma yüksək əzmkarlıq göstərən “Kür”ün xüsusilə ilk hissənin sonlarına doğru təşkil etdiyi təhlükəli hücumlar fasiləyə ev sahiblərini üstün yollayıb – 14:12.


İkinci hissəyə qonaqlar daha fəal başlayaraq startdaca hesabdakı geriliyi aradan qaldırıblar. Amma sürəti artıran ev sahibləri rəqibi müdafiədə səhvlərə yol verməyə məcbur ediblər. Bəzi hallarda bu, kobudluqla müşayiət olunub ki, təyin olunan penaltilərdən lazımınca yararlanan Mitroviç və komanda yoldaşları yenidən hesabda irəli çıxıblar. İkinci hissənin ortalarında bu fərq 3 topla ifadə olunub. Görüşün sonlarına doğru mübarizə yenidən gərginləşib. Final fitinə 5 dəqiqə qalmış hesab bərabərləşsə də sonluğu azlıqda keçirməsinə rəğmən daha inamlı oynayan “Kür” matçı qələbə ilə başa vurmağı bacarıb – 26:24.

28.04.2025

"İdman Akademiyası"ndan inamlı qələbə

27.04.2025

Kubok mübarizəsi davam edir ...

27.04.2025

Ölkə kubokunda daha üç oyun arxada qalıb ...

26.04.2025

Ölkə kuboku turnirinə start verilib ...
Hamsına bax

Digər Xəbərlər

İsgəndər Əsgərov növbəti təyinat alıb

1089 12.10.2023

“Azəryol” klubu Avropa Həndbol Federasiyası kubokunda növbəti oyununu keçirib

1537 08.09.2019

İnkişaf etməkdə olan ölkələrin çempionatı: Azərbaycan -Moldova 21:33 (8:14)

152 11.03.2025

18 noyabr 2023-cü il tarixində Azərbaycan çempionatı üzrə keçirilən oyunların nəticələri

1064 18.11.2023

“Azəryol” həlledici görüşdə əsas rəqibini üstələdi

1587 15.04.2019

Qadın həndbolçuların Avrokubok turnirlərinin püşkatma mərasimi keçiriləcək

1343 17.07.2017

“Bakı-2017”: Qadın həndbolçularımız finalın bir addımlığında

1559 13.05.2017

“Kür” liderlik mövqeyini qoruyur

91 17.04.2025