Həndbol klublarımız Avropa kubokunda mübarizəyə başlayır

04.10.2024

1652

Paylaş:

Ölkə çempionu “Qarabağ” Avropa kubokunda mübarizəyə 1/32 finaldan başlayacaq. İlk rəqib Lüksemburqun “Differdanj” klubudur. Qarşılıqlı razılaşmaya əsasən mərhələnin hər iki oyunu Bakıda olacaq. Oktyabrın 5-də “AHF Arena” İdman Kompleksində keçiriləcək ilk oyunda “Qarabağ” komandası nominal meydan sahibi olacaq. Qarşılaşma saat 14:45-ə təyin olunub. Bu komandaların cavab matçı isə 1 gün sonra, elə eyni saatda keçiriləcək. Turnirdəki digər təmsilçimiz “Azəryol” da rəqibi ilə Bakıda, “AHF Arena”da qarşılaşacaq. Ukraynanın “Qaliçanka” klubu ilə matçlar oktyabrın 5-də və 6-da saat 17-də olacaq.
Azərbaycan kubokunun qalibi “Kür” isə Yunanıstan təmsilçisi “İonias” ilə səfərdə üz-üzə gələcək. Oktyabrın 5-i Afinanın Gimnastika Arenasında keçiriləcək ilk matçın start fiti Bakı vaxtı ilə saat 19-da səsləndiriləcək. Ertəsi gün isə bu komandaların dueli saat 17:30-da start götürəcək.
Kişi həndbolçulardan ibarət “Kür” klubu Avropa Kubokuna mübarizəyə “Parnassos Strovolou” komandası ilə oyunlarla başlayacaq. Kipr təmsilçisi ilə qarşılaşmalar Mingəçevirdə Kür Olimpiya Tədris-İdman Mərkəzində təşkil olunacaq. İlk oyun oktyabrın 26-ı saat 17-də, cavab matçı isə bir gün sonra saat 16-da keçiriləcək.
Ölkə çempionatının gümüş mükafatçısı “Bakı” isə səfərdə meydana çıxacaq. Monteneqronun “Lovçen Çetine” komandası ilə hər iki matç rəqib meydanında oynanılacaq. Oktyabrın 26 və 27-ə təyin olunan qarşılaşmalar Bakı vaxtı ilə saat 20-də start götürəcək.

Son Xəbərlər

18.01.2026

Ölkə çempionatı: "Kür" - "Azəryol" 31:26 (17:11)...

17.01.2026

Ölkə çempionatı: Qarabağ - Təhsil 36:21 (16:9)...

16.01.2026

Çempionatın iddialıları 5-ci turda üz-üzə gələcək...

14.01.2026