Həndbol klublarımız Avropa kubokunda mübarizəyə başlayır

04.10.2024
1536
Paylaş:

Ölkə çempionu “Qarabağ” Avropa kubokunda mübarizəyə 1/32 finaldan başlayacaq. İlk rəqib Lüksemburqun  “Differdanj” klubudur. Qarşılıqlı razılaşmaya əsasən mərhələnin hər iki oyunu Bakıda olacaq. Oktyabrın 5-də “AHF Arena” İdman Kompleksində keçiriləcək ilk oyunda “Qarabağ” komandası nominal meydan sahibi olacaq. Qarşılaşma saat 14:45-ə təyin olunub. Bu komandaların cavab matçı isə 1 gün sonra, elə eyni saatda keçiriləcək. Turnirdəki digər təmsilçimiz “Azəryol” da rəqibi ilə Bakıda, “AHF Arena”da qarşılaşacaq. Ukraynanın “Qaliçanka” klubu ilə matçlar oktyabrın 5-də və 6-da saat 17-də olacaq. 
Azərbaycan kubokunun qalibi “Kür” isə Yunanıstan təmsilçisi “İonias” ilə səfərdə üz-üzə gələcək. Oktyabrın 5-i Afinanın Gimnastika Arenasında keçiriləcək ilk matçın start fiti Bakı vaxtı ilə saat 19-da səsləndiriləcək. Ertəsi gün isə bu komandaların dueli saat 17:30-da start götürəcək. 
Kişi həndbolçulardan ibarət “Kür” klubu Avropa Kubokuna mübarizəyə “Parnassos Strovolou” komandası ilə oyunlarla başlayacaq. Kipr təmsilçisi ilə  qarşılaşmalar Mingəçevirdə Kür Olimpiya Tədris-İdman Mərkəzində təşkil olunacaq. İlk oyun oktyabrın 26-ı saat 17-də, cavab matçı isə bir gün sonra saat 16-da keçiriləcək. 
Ölkə çempionatının gümüş mükafatçısı “Bakı” isə səfərdə meydana çıxacaq. Monteneqronun “Lovçen Çetine” komandası ilə hər iki matç rəqib meydanında oynanılacaq. Oktyabrın 26 və 27-ə təyin olunan qarşılaşmalar Bakı vaxtı ilə saat 20-də start götürəcək.

Digər Xəbərlər

“Kür” rəqiblərini qabaqlayır

1237 22.01.2025

"Qarabağ"ın heyətində yeni məşqçi

319 01.10.2025

Beynəlxalq turnirin ilk oyun gününün cədvəli

1720 27.08.2024

Avropa çempionatı: ESP (İspaniya) - SLO (Sloveniya) 28:20

2042 13.08.2023

Hər iki hissədə bərabərlik

1039 13.04.2025

Azərbaycan çempionatı, XII tur: “Kür”- “Azəryol” 24:24 (13:11)

1186 26.01.2025

Liderlərin mübarizəsindən "Məhsul" qalib ayrılıb

2060 14.12.2019

Həndbol hakimləri mükafatlandırıldı

2538 27.11.2021