Həndbol üzrə Avropa çempionatı davam edir

06.08.2023
2169
Paylaş:

Bakı İdman Sarayında 17 yaşadək həndbolçu qızların Avropa çempionatı davam edir. Bu gün qitə miqyaslı yarışda daha 4 qarşılaşma olub. Günün ilk matçında “A” qrupunda qərarlaşan Bosniya və Herseqovina millisi ilə Litva komandası üz-üzə gəlib. Gərgin mübarizə şəraitində keçən görüşün ilk hissəsi Litva həndbolçularının 24:16 hesablı üstünlüyü ilə başa çatıb. Qarşılaşmanın ikinci hissəsində Bosniya və Herseqovina  təmsilçiləri 21:16 hesabı ilə qalib gəlsələr də ümumi hesabda Litva millisi qələbə çalıb - 40:37. 


Ardınca meydançaya “B” qrupunun İspaniya və Yunanıstan kollektivləri çıxıblar. Rəqibi əksər göstəricilərdə üstələyən İspaniya seçməsi asanlıqla qalib gəlib – 33:11.


“B” qrupunda keçirilən İsrail – Farer adaları görüşündə ada təmsilçisinin qələbəsinə inananlar yanılmayıblar. Daha inamlı oyun nümayiş etdirən Farer adaları komandası matçı 38:22 hesablı qələbə ilə başa vurub.


Günün son matçında isə Sloveniya komandası millimizə 58:6 hesabı ilə qalib gəlib.


Sabah çempionatda daha 4 qarşılaşma olacaq. “A” qrupunda Azərbaycan Bosniya və Herseqovina ilə, Litva Gürcüstanla üz-üzə gələcək. “B” qrupunda isə Yunanıstan – İsrail, İspaniya – Lüksemburq görüşləri keçiriləcək.


Avropa çempionatına avqustun 13-də yekun vurulacaq.


 

Digər Xəbərlər

Azərbaycan – OKMK (Özbəkistan) 30:28 (18:13)

1843 16.05.2024

Kişi həndbolçuların Azərbaycan çempionatında mübarizəsi davam edir

2339 17.04.2023

“Qarabağ” da lideri dayandıra bilmədi

2487 16.02.2019

AÇ-2024-ün seçmə mərhələsi: Azərbaycan - Şimali Makedoniya 22:37

1803 03.04.2024

“IHF Trophy” turniri: Azərbaycan - Belçika 15:30 (6:9)

240 30.11.2025

Azərbaycan çempionatı: III tur

1751 29.09.2024

Ulu Öndər Heydər Əliyevin əziz xatirəsini dərin hörmət və böyük ehtiramla anırıq!

193 12.12.2025

Ölkə çempionatında V turun oyun cədvəli

76 12.01.2026