"Azəryol" "Challenge Cup” turnirində cavab oyununu keçirib

19.11.2018

1405

Paylaş:

Qadın həndbolçulardan ibarət “Azəryol” klubu  Avropa Həndbol Federasiyasının “Challenge Cup” (Çağırış kuboku)  turnirində mübarizəni dayandırıb. Xəbər verdiyimiz kimi, qitə miqyaslı yarışın 3-cü mərhələsində “Ankara Yenimahalle BSK” komandası ilə ilk görüş həndbolçularımızın qələbəsi ilə bitmişdi. Fasiləyə 17:17 hesabı ilə yollanan rəqiblərin ikinci hissədəki duelindən "Azəryol" qalib ayrılmışdı - 30:29.

Noyabrın 18-də Türkiyə paytaxtının “THF Spor Kompleks” arenasında təşkil olunan cavab oyunu da gərgin mübarizə şəraitində keçib. Təəssüf ki, minimal üstünlüyü qorumağa çalışan həndbolçularımız  doğma meydança amilindən faydalanan rəqibin qarşısını ala bilməyiblər. Görüş 31:24 hesabı ilə Türkiyə təmsilçisinin xeyrinə başa çatıb. Beləliklə, iki oyunun nəticəsinə əsasən, növbəti mərhələyə “Ankara Yenimahalle BSK” komandası çıxıb.

Xatırladaq ki, Şerif Xema və Yahya Besfortdan ibarət kosovolu hakimlər briqadasının idarə etdiyi qarşılaşmalar  əvvəlcədən razılaşdırıldığı kimi Ankarada keçirilib.

Son Xəbərlər

28.04.2025

"İdman Akademiyası"ndan inamlı qələbə

27.04.2025

Kubok mübarizəsi davam edir...

27.04.2025

Ölkə kubokunda daha üç oyun arxada qalıb...

26.04.2025

Ölkə kuboku turnirinə start verilib...

"Azəryol" "Challenge Cup” turnirində cavab oyununu keçirib

Son Xəbərlər

28.04.2025

27.04.2025

27.04.2025

26.04.2025

Digər Xəbərlər