Mingəçevirin “Nur” komandası EHF kuboku uğrunda yarışda ilk oyununu keçirib

17.09.2017

2244

Paylaş:

Azərbaycanın qadınlardan ibarət “Nur” həndbol komandası Avropa Həndbol Federasiyası (EHF) kuboku uğrunda ilk oyununu keçirib.

Son ölkə çempionu Mingəçevirdə “Kür” Olimpiya Tədris-İdman Mərkəzində İsveçin “Luqi HK” komandası ilə üz-üzə gəlib. Gərgin və maraqlı idman mübarizəsi şəraitində keçən oyun 24:24 hesablı heç-heçə ilə yekunlaşıb.

Matça rəqib komanda üstün başlayıb. Lakin təşəbbüsü ələ alan Mingəçevir təmsilçisi hesab arasındakı fərqi azaldıb. Buna baxmayaraq, isveçli həndbolçular ilk hissədə minimal hesabla qalib gəliblər - 11:10. Görüşün ikinci hissəsində komandamız əzmkar oyun nümayiş etdirib. “Nur” kollektivi qarşılaşmanın ikinci setində güclü rəqibini 14:13 hesabı ilə məğlub etməyi bacarıb.

Görüşü ukraynalı hakimlər briqadası - Marina Dupli və Olena Kaverina idarə edib. EHF nümayəndəsi isə ruminiyalı Horatu Kristian Belu olub.

Komandalar arasında cavab oyunu sentyabrın 17-də Mingəçevirdə “Kür” Olimpiya Tədris-İdman Mərkəzində keçiriləcək.

Son Xəbərlər

24.11.2025

Gənc həndbolçularımız Kosovada güclərini sınayacaq...

24.11.2025

Azərbaycanlı hakimlər Avropa Liqasınnın oyununu id...

17.11.2025

İslamiada: Qadın həndbolçularımız Qazaxıstan ilə ...

15.11.2025

Millimizin Özbəkistanla oyununun başlama saatı də...

Mingəçevirin “Nur” komandası EHF kuboku uğrunda yarışda ilk oyununu keçirib

Son Xəbərlər

24.11.2025

24.11.2025

17.11.2025

15.11.2025

Digər Xəbərlər