Azərbaycan çempionatında növbəti turun oyunları olacaq

14.02.2025

479

Paylaş:

Fevralın 15-də həndbol üzrə Azərbaycan çempionatlarında növbəti turlara start veriləcək. İlk oyun günündə əvvəlcə kişilərin yarışında V-VI yerlər uğrunda mübarizə aparan U-17 və “Dinamo” komandaları meydançaya çıxacaqlar. XIV turun “AHF Arena”da təşkil olunacaq qarşılaşması saat 10:00-da başlanacaq.

Həmin gün saat 12:00-da qadın həndbolçuların çempionatının final mərhələsinin “Azəryol” – “Qarabağ” görüşü start götürəcək. XII turun “AHF Arena”da keçiriləcək oyunu böyük maraqla gözlənilir. I-IV yerlər uğrunda yarışan rəqiblər növbəti qələbə ilə azarkeşlərini sevindirməyə çalışacaqlar.

Fevralın 16-da diqqətlər Mingəçevirə yönələcək. Həmin gün “Kür” Olimpiya Tədris-İdman Mərkəzində iki oyun keçiriləcək. Kişilərin mübarizəsində çempionluğa iddialı “Kür” saat 13:00-da XIV tur çərçivəsində əsas izləyicisi “Bakı”nı qəbul edəcək. Saat 15:00-da isə qadınlardan ibarət “Kür” komandası XII turun görüşündə “İdman Akademiyası” ilə üz-üzə gələcək.

Fevralın 17-də də iki qarşılaşma olacaq. Saat 15:30-da “AHF Arena”da qadınlardan ibarət “Gənclər Birliyi” və “Təhsil” V-VI yerlər uğrunda yarışın XII turunda üz-üzə gələcək. Saat 19:30-da isə I-IV yerlər uğrunda mübarizə aparan kişilərdən ibarət “Azəryol” və “Qarabağ” komandaları XIV turun oyununda meydançaya çıxacaqlar.

Son Xəbərlər

22.07.2025

22 iyul Milli Mətbuat Günüdür

18.07.2025

Gənc hakimlərimiz beynəlxalq təcrübə qazanır...

15.07.2025

Avropa Kuboku turnirində klublarımızın rəqibləri m...

10.07.2025