Azərbaycan çempionatı: “Kür” mövsümdə ilk dəfə məğlub oldu

19.02.2024
1832
Paylaş:

Həndbol üzrə Azərbaycan çempionatlarında növbəti oyunlar olub. 
Qadınların yarışında 11-ci tura “Qarabağ” - “İdman Akademiyası” görüşü ilə start verilib. Gözlənildiyi kimi liderin tam üstünlüyü ilə keçən qarşılaşma 44:14 hesabı ilə başa çatıb. Çempionluq uğrunda mübarizə aparan “Azəryol”la “Kür” daha gərgin və maraqlı oyun nümayiş etdirib. Fasiləyə 5 xallıq üstünlüklə yollanan Mingəçevir həndbolçuları ikinci hissədə də təşəbbüsü əldən verməyiblər. Nəticədə qonaqlar oyundan qələbə ilə ayrılıblar - 33:30. 
Xallarının sayını 20-ə çatdıran “Qarabağ” ilk pillədədir. Ondan 3 xal geri qalan “Kür” ikinci, hesabında 15 xalı olan “Azəryol” isə 3-cüdür. “İdman Akademiyası” 8 xalla 4-cü yerdədir. “Bakı” 4 xalla 5-ci, hələ də xal qazana bilməyən “Gənclər Birliyi” autsayderdir. 
Kişi həndbolçuların 11-ci turunda “Bakı” “Qarabağ”la qarşılaşıb. Qonşu pillələrdə qərarlaşan bu komandaların mübarizəsi nominal meydan sahiblərinin qələbəsi ilə yekunlaşıb. Görüşə yaxşı başlayan Bakı həndbolçuları ilk hissədə böyük üstünlük əldə ediblər - 19:10. Fasilədən sonra bir qədər fəallaşan “Qarabağ” fərqi azaltsa da, yekunda uğur qazana bilməyib - 31:27. 
Turun ən maraqlı qarşılaşması Mingəçevirdə olub. Çempionatın lideri “Kür” doğma azarkeşləri önündə “Azəryol”u qəbul edib. Komandanın əsas rəqiblərindən sayılan “Azəryol” inamlı oyunla Mingəçevir həndbolçularını məyus edib. İlk dəqiqələrdən təşəbbüsə yiyələnən qonaqlar birinci hissəni minimal üstünlüklə başa vurub - 18:17. “Azəryol” ikinci yarıda daha yaxşı təsir bağışlayıb. Xüsusilə qapıçı Hüseyn Qafarov bir neçə epizodda inamlı oyunu ilə komandasının qələbəsinə tövhəsini verib. Beləliklə gərgin mübarizə “Azəryol”un 34:28 hesabı ilə yekunlaşıb. Qeyd edək ki, bu, “Kür”ün cari mövsümdə ilk məğlubiyyəti olub. 
Xal itkisinə baxmayaraq Mingəçevir klubu 17 xalla liderdir. Hərəyə 14 xalı olan Azəryol”la “Bakı” 2-ci - 3-cü yerləri bölüşür. “Qarabağ” 11 xalla 4-cü yerdə qərarlaşıb. “Dinamo” və “İdman Akademiyası”nın 3 xalı var. “Təhsil” isə cəmi 2 xal toplaya bilib.

Digər Xəbərlər

Həndbol ictimaiyyətinə ağır itki üz verib

2857 27.09.2019

Azərbaycan Həndbol Federasiyası regional seminar keçirib

2566 01.10.2022

Kişi həndbolçularımız beynəlxalq turnirə qatılacaqlar

2243 18.03.2017

Həndbol üzrə Azərbaycan çempionatına yekun vurulub

2408 13.03.2017

Ulu Öndər Heydər Əliyevin xatirəsinə həsr olunan beynəlxalq turnirdə finalçılar müəyyənləşib

1136 02.09.2025

“Qarabağ” çətin dueldən qələbə ilə ayrıldı

1686 20.04.2024

Ulu Öndər Heydər Əliyevin əziz xatirəsini dərin hörmət və böyük ehtiramla anırıq!

193 12.12.2025

Həndbol üzrə Azərbaycan birinciliyinin final mərhələsinə yekun vurulub

2521 05.06.2023