Həndbol üzrə Azərbaycan çempionatlarında VIII turun oyunları keçirilib.
Qadınların yarışında tura “Bakı” – “Kür” görüşü ilə start verilib. Oyunun aşkar favoriti sayılan Mingəçevir təmsilçisi gözlənildiyi kimi aktivinə növbəti qələbəni yazdırıb - 44:12.
“İdman Akademiyası” – “Azəryol” matçı da daha təcrübəli həndbolçulardan ibarət olan komandanın xeyrinə nəticələnib. Rəqibi əksər göstəricilərdə üstələyən “Azəryol” meydançadan inamlı qələbə ilə ayrılıb – 17:40. Turun son qarşılaşmasında isə “Qarabağ” “Gənclər Birliyi”ni böyük hesablı məğlubiyyətə uğradıb - 39:10.
“Qarabağ” 14 xalla çempionatın lideridir. “Azəryol”un 13, “Kür”ün 11 xalı var. “İdman Akademiyası” ilə “Bakı” hərəyə 6 xalla 4-cü, 5-ci yerləri bölüşür. Autsayder “Gənclər Birliyi” hələ ki, xal qazana bilməyib.
Kişilərin çempionatında VIII tur “Təhsil” – “Kür” matçı ilə başlanıb. Qonaqların tam üstünlüyü ilə yadda qalan oyun 22:40 hesabı ilə nəticələnib. “Qarabağ” - “Azəryol” görüşündə ikincilərin qələbəsinə inananlar yanılmayıblar. İnamlı oyun göstərən “Azəryol” azarkeşlərinin etimadını doğruldub - 36:29.
Turun ən gərgin və maraqlı qarşılaşması “Dinamo” və “İdman Akademiyası” komandaları arasında olub. Nominal ev sahibləri fasiləyə bir xallıq üstünlüklə yollansalar da görüş 26:26 hesabı ilə başa çatıb. Aktivində 14 xalı olan “Kür” çempionatın lideridir. “Azəryol” ondan 4 xal geri qalır. “Bakı” ilə “Qarabağ”ın hərəyə 8, “Dinamo” ilə “İdman Akademiyası”nın 3 xalı var. “Təhsil” 2 xalla autsayderdir.
Həndbol üzrə Azərbaycan çempionatına yekun vurulub
691 13.03.2017
XXX Azərbaycan çempionatı: I turun son oyunlarının nəticələri
416 12.11.2023
Qadın həndbolçularımız Gürcüstanın yığma komandasına qalib gəliblər
646 22.06.2022
Azad Rəhimovun vəfatından bir il ötür
571 30.04.2022
Avropa çempionatı: Yunanıstan - İspaniya 11:33
548 06.08.2023
"Azəryol" çempionluğa doğru inamla irəliləyir
728 12.03.2020
Yeniyetmə həndbolçularımız beynəlxalq yarışa qatılacaqlar
654 23.05.2018
Beynəlxalq dərəcəli hakimlərimiz növbəti təyinat alıblar
642 22.12.2017