"Qarabağ" uğurlu seriyanı davam etdirir

23.10.2019

2011

Paylaş:

Qadın həndbolçuların Azərbaycan çempionatında üçüncü turun oyunları da arxada qalıb. Mövsümə inamla start verən “Qarabağ” uğurlu seriyanı davam etdirir. İlk turda “İdman Akademiyası” komandasına, ardınca çempion “Azəryol”a qalib gələn “Qarabağ” “Azərsu” ilə görüşdə də pərəstişkarlarını sevindirib. Gərgin idman mübarizəsi ilə yadda qalan oyun 29:27 hesabı ilə başa çatıb. Ardıcıl üçüncü qələbəsini qazanan “Qarabağ” liderliyi davam etdirir.

Günün digər qarşılaşmasından isə “Azəryol” qalib ayrılıb. “İdman Akademiyası” komandası çox çalışsa da, ölkə çempionunun böyük hesablı qələbəsinə mane ola bilməyib – 42:25.

4-cü turun oyunları noyabrın 6-da keçiriləcək. Həmin gün “Azəryol” “Azərsu” ilə, “Qarabağ” “İdman Akademiyası” ilə üz-üzə gələcək.

Oktyabrın 26-da kişi həndbolçuların çempionatında 3-cü turun görüşləri olacaq. “ABU Arena”da keçiriləcək oyunlarda “Məhsul” – “U-18” kollektivini sınağa çəkəcək. “Təhsil” isə “Bakı” ilə qarşılaşacaq.

Son Xəbərlər

27.09.2025

Şəhidlərimizi dərin hörmət və ehtiramla anırıq!...

26.09.2025

İsgəndər Əsgərov “Start Elblaq” - “Trabzon Ortahis...

24.09.2025

Minayə Məmmədova: “Komandada dəyişikliklərin olmas...

22.09.2025