Kişi həndbolçuların da Azərbaycan çempionatına start verildi

13.10.2019

2068

Paylaş:

Qadın həndbolçuların ardınca, kişilərdən ibarət komandaların da ölkə çempionatında mübarizə başlayıb. Açılış matçında son ölkə çempionu “Məhsul” “Təhsil” komandası ilə qarşılaşıb. Ciddi müqavimət göstərməyə çalışan “Təhsil”, bütün səylərə rəğmən, məğlubiyyətdən yaxa qurtara bilməyib. Görüş 27:22 hesabı ilə “Məhsul”un xeyrinə nəticələnib.

Günün digər oyununda isə “Bakı” U-18 kollektivini sınağa çəkib. Görüş nominal ev sahiblərinin diqtəsi ilə keçib. Gözlənildiyi kimi, rəqibi bütün kompanentlərdə üstələyən “Bakı” 42:20 hesabı ilə qələbə qazanıb. Kişilərin çempionatında ikinci turun görüşləri oktyabrın 19-da keçiriləcək. Həmin gün “Məhsul” “Bakı” ilə, U-18 “Təhsil” ilə üz-üzə gələcək.

Oktyabrın 16-də isə, qadınların mübarizəsində ikinci turun qarşılaşmaları olacaq. Meydançaya əvvəlcə “Azəryol” və “Qarabağ” komandaları çıxacaqlar. Tura “İdman Akademiyası – “Azərsu” görüşü ilə yekun vurulacaq.

Son Xəbərlər

27.09.2025

Şəhidlərimizi dərin hörmət və ehtiramla anırıq!...

26.09.2025

İsgəndər Əsgərov “Start Elblaq” - “Trabzon Ortahis...

24.09.2025

Minayə Məmmədova: “Komandada dəyişikliklərin olmas...

22.09.2025