Kişi həndbolçuların Azərbaycan çempionatında XVI tura “Bakı” - “Qarabağ” görüşü ilə start verilib. Maraqla gözlənilən açılış matçını beynəlxalq dərəcəli hakimlər Ələkbər Ağakişiyevlə Ernest Ağakişi idarə edib. Deleqat funksiyasını isə digər beynəlxalq dərəcəli hakim Vaqif Əliyev yerinə yetirib. Bu tur ərəfəsində aktivindəki 19 xalla 3-cü pillədə qərarlaşan “Bakı” oyunun favoriti hesab olunurdu. Amma, rəqibindən 4 xal geri qalan “Qarabağ”a da güvənənlərin sayı az deyildi. Oyuna fəal başlayan komandaların xala-xal prinsipi hissənin ortalarında pozulub. Rəqibin səhvlərindən yararlanan “Qarabağ” hesabda üstünlüyə yiyələnib. Tədricən xal fərqini 5-ə də yüksəldən nominal qonaqlar azarkeşlərini qələbəyə ümidləndiriblər. Toparlanmağa çalışan “Bakı” hissənin sonlarındakı fəallıq sayəsində fərqi 3-ə endirib və ilk hissə 14:17 hesabı ilə başa çatıb.
İkinci hissəyə daha inamlı başlayan “Bakı” tezliklə fərqi aradan qaldırsa da, çox keçmədən qonaqlar yenidən təşəbbüsə yiyələniblər. Vəziyyəti dəyişməyə çalışan ev sahibinin və üstünlüyü qorumaq istəyən qonaqların aşırı canfəşanlığı gərgin anlara da səbəb olub. Nəticədə matçın sonuna 3 dəqiqədən də az qalmış “Qarabağ”ın həndbolçusu Nicat Əzizovla “Bakı”nın oyunçusu Albert Matyuxov qırmızı vərəqə ilə cəzalandırılıb. Bununla yanaşı, hər iki komandanın daha iki üzvü meydançadan kənarlaşdırıldığından rəqiblər oyunu 4 həndbolçu ilə davam etdiriblər. Bir top fərqi ilə irəlidə olan “Qarabağ” qələbəyə yaxın görünsə də pərəstişkarlarını sevindirə bilməyib. Son dəqiqədə penaltidən layiqincə faydalanan Sabir Nəzərəliyev “Bakı”nı məğlubiyyətdən qurtarıb – 36:36.
13.05.2024
“Kür” Azərbaycan çempionudur...
09.05.2024
9 May -faşizm üzərində Qələbə günüdür...
Həndbol üzrə iyirmi altıncı Azərbaycan çempionatında növbəti oyun keçirilib
964 08.04.2019
Qadın həndbolçularımız rusiyalı rəqiblərinə qalib gəliblər
605 01.05.2017
Avropa çempionatı: GEO (Gürcüstan) - ISR (İsrail) 23:28
335 12.08.2023
Kişi həndbolçularımız Gürcüstan klubu ilə üz-üzə gəliblər
664 03.06.2017
Həndbol üzrə 30-cu Azərbaycan çempionatına start verilib
348 13.11.2023
Çimərlik həndbolu üzrə ölkə çempionatında 10 komanda yarışacaq
664 15.08.2017
Həndbol üzrə Azərbaycan çempionatının açılış mərasimi keçirilib
711 16.02.2017
Avropa çempionatı: Lüksemburq - İsrail 25:26
466 05.08.2023