U-16 komandamız olimpiya festivalına hazırlığı davam etdirir

19.06.2019

1503

Paylaş:

Paytaxtımız gələn ay daha bir mötəbər idman tədbirinə ev sahibliyi edəcək. Söhbət təbii ki, Avropa Gənclər Yay Olimpiya Festivalından gedir. İştirakçılar, iyulun 21-də start veriləcək qitə miqyaslı yarışda, 10 idman növü üzrə mükafatçıları müəyyənləşdirəcəklər.

Festivalın proqramına daxil edilən növlərdən biri də həndboldur. Azərbaycan bu idman növü üzrə həm oğlanların, həm də qızların turnirində təmsil olunacaq. Hər iki komandamız festivala yüksək məqsədlər üçün qatılacaq. Hazırlıq proqramına uyğun olaraq, ölkədaxili və xarici təlim-məşq toplanışları, həmçinin müxtəlif turnirlərə qatılan həndbolçularımız festivalın startına kimi funksional və taktiki hazırlığı davam etdirəcəklər.

Bu məqsədlə iyunun 1-dən 7-dək Rusiyanın Tolyatti şəhərində keçirilən beynəlxalq turnirdə iştirak edən oğlanlardan ibarət U-16 komandamızı, qarşıda daha bir toplanış gözləyir. Bu gün Gürcüstan paytaxtına yollanan həndbolçularımız iyunun 21-dən 24-dək yerli komandalarla yoxlama oyunlarında bacarıqlarını göstərəcəklər.

Qeyd edək ki, oğlanlardan ibarət seçmə komandamız olimpiya festivalında Almaniya, Danimarka və Serbiya kollektivləri ilə eyni qrupda yarışacaq.

Son Xəbərlər

28.04.2025

"İdman Akademiyası"ndan inamlı qələbə

27.04.2025

Kubok mübarizəsi davam edir...

27.04.2025

Ölkə kubokunda daha üç oyun arxada qalıb...

26.04.2025

Ölkə kuboku turnirinə start verilib...

U-16 komandamız olimpiya festivalına hazırlığı davam etdirir

Son Xəbərlər

28.04.2025

27.04.2025

27.04.2025

26.04.2025

Digər Xəbərlər