Çempionluq uğrunda gərgin mübarizə davam edir

21.04.2018

1490

Paylaş:

Qadın həndbolçuların Azərbaycan çempionatında 19-cu tur da arxada qalıb.

Mərkəzi oyunda çempionatın lideri "Azərsu" ilə qızıl medallara iddialı "Azəryol" qarşılaşıb. Böyük maraqla gözlənilən görüş "Azəryol" komandasının inamlı qələbəsi ilə nəticələnib - 36:23.

Günün digər oyunlarında favoritlər növbəti qələbə ilə azarkeşlərini sevindiriblər. Mingəçevirin "Nur" komandası "Gənclər Birliyi" üzərində 33-10 hesablı qələbə çalıb. "Qarabağ" isə "İdman Akademiyası" kollektivini məğlubiyyətə uğradıb - 36:30.

Əsas rəqibi ilə oyunda məğlubiyyətə rəğmən "Azərsu" 29 xalla yarış cədvəlinin zirvəsindədir. "Azəryol" son turdakı qələbə ilə liderlə xal fərqini minimuma endirib. Aktivində 25 xalı olan "Nur" ilk üçlüyü qapayır. "Qarabağ" 23 xalla 4-cü pillənin sahibidir. Autsayderlər "Gənclər Birliyi" və "İdman Akademiyası"isə 4 xalla beşinci –altıncı yerləri bölüşürlər.

Çempionatın sonuncu turuna aprelin 26-da Mingəçevirdə "Nur" - "Azəryol" görüşü ilə start veriləcək. Aprelin 28-də keçiriləcək görüşlərdə "Qarabağ" "Gənclər Birliyi"ni, "Azərsu" "İdman Akademiyası"nı sınağa çəkəcək.

Son Xəbərlər

22.07.2025

22 iyul Milli Mətbuat Günüdür

18.07.2025

Gənc hakimlərimiz beynəlxalq təcrübə qazanır...

15.07.2025

Avropa Kuboku turnirində klublarımızın rəqibləri m...

10.07.2025