Həndbol hakimlərimiz beynəlxalq oyunları idarə edəcəklər

15.11.2017

2511

Paylaş:

Beynəlxalq dərəcəli həndbol hakimlərimiz qitə miqyaslı yarışlara təyinat alıblar.

Vaqif Əliyev və Ələkbər Ağakişiyev kişilər arasında Avropa Həndbol Federasiyası (EHF) kubokunun “Koks” (Finlandiya) – “RD Riko Ribnika” (Sloveniya) matçını idarə edəcək. Noyabrın 19-da “Suintino” arenasında keçiriləcək görüşün EHF nümayəndəsi litvalı Tadas Cansonas olacaq.

Noyabrın 25-də Emil və Ernest Ağakişi qardaşlarından ibarət hakimlər briqadamız kişi həndbolçuların “Çağırış kuboku”nun “Qranitas – Karus Karinas” (Litva) – “HC Evrofarm Rabotnik” (Makedoniya) matçında ədaləti təmsil edəcək. “Kaunas” arenadakı qarşılaşmada EHF-nin nümayəndəsi qismində rumıniyalı Remus Kojocaru təmsil olunacaq.

Təcrübəli həndbol referimiz İsgəndər Əsgərov isə noyabr ayının 24-ü və 26-da “Çağırış kuboku” çərçivəsində qarşılaşacaq Türkiyənin “Göztəpə SK” və Yunanıstanın “A.C. PAOK” komandalarının mübarizəsində EHF nümayəndəsi kimi fəaliyyət göstərəcək. İzmirin “Bornova Atatürk Spor Kompleksi”ndə keçiriləcək oyunu lüksemburqlu Alain Rauçs və Filip Linster idarə edəcək.

Son Xəbərlər

18.01.2026

Ölkə çempionatı: "Kür" - "Azəryol" 31:26 (17:11)...

17.01.2026

Ölkə çempionatı: Qarabağ - Təhsil 36:21 (16:9)...

16.01.2026

Çempionatın iddialıları 5-ci turda üz-üzə gələcək...

14.01.2026