Kişi həndbolçuların 18-ci turunun daha bir qarşılaşması Mingəçevirin “Kür” Olimpiya Tədris İdman Mərkəzi”ndə keçirilib. Şəhərin “Kür” komandasının “Qarabağ”la oyununu respublika dərəcəli referilər Famil Qasımovla Eldar Həmidov idarə edib. Oyunun deleqatı beynəlxalq dərəcəli hakim İsgəndər Əsgərov olub. Matçın favoriti sayılan ev sahibi bu oyuna yenidən vahid liderlik mövqeyini ələ keçirmək üçün çıxmışdı. Yarış cədvəlində ilk dördlüyü tamamlayan “Qarabağ” isə mükafatlar uğrunda mübarizədən qopmamaq üçün xal ehtiyatını artırmaq niyyətində idi. Görüşün startında rəqiblər bərabər oyun nümayiş etdiriblər. Tədricən sürəti artıran ev sahibinin fəallığı bəhrəsiz qalmayıb. İnamlı çıxış sayəsində irəli çıxan “Kür” ilk hissəni iki top fərqi ilə üstün tamamlayıb – 9:7.
İkinci hissəyə də kəsəri hücumlarla başlayan Mingəçevir təmsilçisi hesabdakı fərqi bir qədər də artırmağa nail olub. Vəziyyəti dəyişməyə çalışan qonaqlar yüksək əzmkarlığa rəğmən istəklərini reallaşdıra bilməyiblər. Əksər kompanentlərdə rəqibi üstələyən “Kür” tapşırığı yerinə yetirib. Hətta ev sahibinin aparıcı oyunçularından sayılan Bojidar Lekoviçin 3 dəfə iki dəqiqəlik meydançadan kənarlaşdırılması və qırmızı vərəqə alması da qonaqların işinə yaramayıb. Yeri gəlmişkən, həndbolçuya qərara etirazını idmançıya yaraşmayan tərzdə bildirdiyinə görə göy vərəqə də göstərilib. Buna baxmayaraq üstünlüyü qorumağı bacaran Mingəçevir həndbolçuları matçı qələbə ilə başa vurublar - 27:21. Qələbədə əsas pay sahiblərindən biri rəqib qapısından 11 top keçirən Bozidar Simiç olub.
Aktivinə 26-cı xalı yazdıran “Kür” çempionatın lideridir. “Bakı” ondan 2 xal geri qalır. “Azəryol” 20 xalla 3-cü, “Qarabağ” 18 xalla 4-cü yerdə qərarlaşıb. “Təhsil”in 6, “Dinamo”nun 5, “İdman Akademiyası”nın 3 xalı var.
Qadın həndbolçulardan ibarət “Nur” klubu Avropa Həndbol Federasiyası kubokunda növbəti oyununu keçirib
660 16.10.2017
Hakimlərimiz növbəti təyinat alıblar
648 20.02.2018
“Azərsu” “Olimpiya” üzərində növbəti qələbəsini qazandı
742 25.01.2019
Avropa çempionatı: SLO (Sloveniya) - FAR (Farer adaları) 31:25
417 12.08.2023
Azərbaycan Həndbol Federasiyasının yeni loqotipi hazırlanıb
733 08.02.2017
XXX Azərbaycan çempionatı: I turun son oyunlarının nəticələri
416 12.11.2023
Həndbol üzrə milli komandamızın rəqibləri müəyyənləşib
824 15.10.2018
Çimərlik həndbolu üzrə Azərbaycan çempionatına hazırlıqla bağlı tədbir keçirilib
673 29.07.2017