2026-cı il Avropa çempionatının təsnifat turnirində növbəti oyunlar keçirilib

13.01.2023

2313

Paylaş:

Milli komandamızın Böyük Britaniya, Kipr və Malta seçmələri ilə birgə yer aldığı qrupda ikinci turun oyunları keçirilib. Bakı İdman Sarayında təşkil olunan yarışın növbəti günündə əvvəlcə Kipr və Malta komandaları üz-üz gəliblər. İlk turda Böyük Britaniya seçməsi ilə oyundan heç-heçə ilə ayrılan Kipr həndbolçuları bu görüşdə qələbə qazanıblar – 47:26.
Günün ikinci oyununda Azərbaycan millisi Böyük Britaniya kollektivi ilə qarşılaşıb. Turnirə Malta seçməsi üzərində qələbə ilə başlayan komandamız bu görüşdə də etimadı doğrultmaq əzmində idi. Gərgin mübarizə ilə yadda qalan oyunun ilk hissəsi britaniyalıların 16:8 hesablı üstünlüyü ilə başa çatıb. Fasilədən sonra vəziyyəti dəyişməyə çalışan həndbolçularımız yüksək əzmkarlıq göstərsələr də, oyun Böyük Britaniya komandasının qələbəsi ilə nəticələnib - 39:22.
Gənclər və idman naziri Fərid Qayıbov və AHF-nin vitse-prezidenti Orxan Abbasov tərəfindən görüşün ən yaxşı oyunçularına xüsusi mükafatlar təqdim olunub.
Qeyd edək ki, turnirə sabah yekun vurulacaq. Saat 12:45-də Böyük Britaniya - Malta görüşü başlanacaq. Saat 15:00-da isə Kipr və Azərbaycan komandaları meydançaya çıxacaqlar.

Son Xəbərlər

24.11.2025

Gənc həndbolçularımız Kosovada güclərini sınayacaq...

24.11.2025

Azərbaycanlı hakimlər Avropa Liqasınnın oyununu id...

17.11.2025

İslamiada: Qadın həndbolçularımız Qazaxıstan ilə ...

15.11.2025

Millimizin Özbəkistanla oyununun başlama saatı də...

2026-cı il Avropa çempionatının təsnifat turnirində növbəti oyunlar keçirilib

Son Xəbərlər

24.11.2025

24.11.2025

17.11.2025

15.11.2025

Digər Xəbərlər