Həndbol üzrə XXIX respublika çempionatının püşkatma mərasimi keçirilib

19.10.2022

2334

Paylaş:

Oktyabrın 20-də Azərbaycan Həndbol Federasiyasında XXIX respublika çempionatının püşkatma mərasimi keçirilib. Tədbirdə federasiyanın məsul işçiləri və komandaların baş məşqçiləri iştirak ediblər.
Əvvəlcə yarışın direktoru İsgəndər Əsgərov çıxış edərək 2022-2023-ci illər üzrə respublika çempionatının noyabrın 12-dən aprelin 30-dək “AHF Arena” da keçiriləcəyini bildirib. Qeyd olunub ki, yarış dairəvi üsulla dörd dövrədən ibarət olacaq.
Həmçinin çempionatın reqlamenti, qaydalardakı son dəyişikliklər, oyun cədvəli və digər məsələlər barədə məlumat verilib.
Yarışlarda iştirak edəcək komandaların adları açıqlanıb. Ümumilikdə, 7 kişi (Bakı, Təhsil, Məhsul, İdman Akademiyası, Dinamo, RİOEUGİM, U-16), 5 qadın (Azəryol, Qarabağ, İdman Akademiyası, Azərsu, U-16) komandalarının çıxış edəcəyi diqqətə çatdırılıb.
Yarışların püşkü atıldıqdan sonra iştirakçıları maraqlandıran suallar cavablandırılıb.