“Azəryol” liderlə xal fərqini aradan qaldırıb

09.03.2019

2374

Paylaş:

Qadın həndbolçuların Azərbaycan çempionatında 16-cı turun oyunları keçirilib. Baş mükafata namizədlərdən sayılan “Azəryol”un növbəti rəqibi “Gənclər Birliyi” komandası olub. Gənc həndbolçular çox çalışsalar da, güclü rəqibin kəsərli hücumlarının qarşısını ala bilməyiblər. Nominal meydança sahibinin aşkar üstünlüyü şəraitində keçən qarşılaşma 53:26 hesabı ilə nəticələnib.

Daha gərgin mübarizə ilə yadda qalan “Qarabağ” – “İdman Akademiyası” matçında isə “Qarabağ” həndbolçuları qələbə qazanıblar – 33:28.

Növbəti qələbəyə imza atan “Azəryol” lider “Azərsu” ilə xal fərqini aradan qaldırıb. Belə ki, bir oyun az keçirən “Azərsu”nun da 30 xalı var. “Qarabağ” 16 xalla üçüncü yerdə qərarlaşıb. Hərəyə 7 xalı olan “İdman Akademiyası” və “Olimpiya” komandaları 4-cü, 5-ci pillələri bölüşürlər. Hələ ki xal qazana bilməyən “Gənclər Birliyi” çempionatın autsayderidir.

Son Xəbərlər

27.09.2025

Şəhidlərimizi dərin hörmət və ehtiramla anırıq!...

26.09.2025

İsgəndər Əsgərov “Start Elblaq” - “Trabzon Ortahis...

24.09.2025

Minayə Məmmədova: “Komandada dəyişikliklərin olmas...

22.09.2025