Həndbol qaydaları
Oyun təqvimi
Xal cədvəli
Xəbərlər
Əlaqə

Hakimlərimiz “Challenge Cup” turnirinin final matçında

02.05.2018
687
Paylaş:

Azərbaycanın  beynəlxalq  dərəcəli  həndbol  hakimləri  Vaqif  Əliyevlə  Ələkbər  Ağakişiyev   ölkə  tarixində  ilk  dəfə  Avropa  HəndbolFederasiyasının  keçirdiyi  qadınlar  arasında  “Challenge  Cup”  kubokunun  finalına  təyinat  alıblar.

Hakimlərimiz  mayın  13-də  “MKS  Perla  Lublin”  (Polşa)  -  “Rocasa  Gran  Canaria”  (İspaniya)  komandalarının  final  oyununu  idarə  edəcəklər.

V.Əliyev  və  Ə.Ağakişiyev  uzun  müddət  həndbolçu  kimi  ölkə  klublarının  və  milli  komandamızın  şərəfini  qoruyublar.  Hazırda  V.Əliyev  Milli  Olimpiya  Komitəsində  fəaliyyət  göstərir.  Ə.Ağakişiyev  isə   AHF-nin  hakimlər  kollegiyasının  sədridir.  Onlar  2002-ci  ildən  Avropa  Həndbol  Federasiyasının  hakimləridirlər.  V.Əliyev  və  Ə.Ağakişiyev  bu  günə  qədər  6  dəfə  gənclər  arasında  Avropa  çempionatının  final,  7  dəfə  AHF-nin  Çempionlar  Liqasının  qrup  və  yarımfinal,  tələbələr  arasında  dünya  çempionatının  final,  AHF  və  “Challenge  Cup”  kuboklarının  seçmə  və  yarımfinal,  Avropa  və  dünya  çempionatlarının  xeyli  sayda  seçmə  mərhələlərinin  oyunlarına  təyinat  alıb.  Bununla  yanaşı,  onlar  Gürcüstan,  Rusiya  və  Azərbaycan  çempionatlarının  oyunlarında,  eləcə  də  beynəlxalq  yoldaşlıq  görüşlərində  ədaləti  təmsil  ediblər.

50  ölkədən  300-ə  yaxın  hakimlər  cütlüyünün  təmsil  olunduğu  Avropa  Həndbol  Federasiyasının  belə  bir  məsul  qarşılaşmanı  məhz  Azərbaycan  hakimlərinə  həvalə  etməsi  qürurvericidir.  Nəzərə  almaq  lazımdır  ki,  reqlamentə  görə,  oyun  zamanı  hakimlərin  də  təmsil  etdiyi  ölkənin  bayrağı  ucaldılır.

Bu  təyinat  heç  də  təsadüfi  deyil.  Qitə  miqyaslı  yarışların  final  görüşünü  idarə  etmək  üçün  hakimlərdən  böyük  təcrübə  və  peşəkarlıq  tələb  olunur  ki,  azərbaycanlı  referilər  də  bu  tələblərə  yüksək  səviyyədə  cavab  verirlər.

Qeyd  edək  ki,  final  oyununa  Avropa  Həndbol  Federasiyasının  nümayəndələri  Ole  R.Jorstad  (Norveç)  və  Olimpiya  çempionu  Lyudmila  Bobniyeva  (Rusiya)  da  təyinat  alıb.  Avropa  Həndbol  Federasiyasının  təsis  etdiyi  üç  kubok  yarışından  biri  olan  “Challenge  Cup”  kubokunda  64  komanda  mübarizə  aparır.

15.05.2024

Millimiz Mərkəzi Asiyanın Açıq çempionatında qüv ...

13.05.2024

“Kür” Azərbaycan çempionudur ...

13.05.2024

“Kür” mövsümü çempion üzərində qələbə ilə bitirdi ...

10.05.2024

Ümummilli Lider Heydər Əliyevi dərin hörmətlə anır ...
Hamsına bax

Digər Xəbərlər

İslamiada: Millimizin finaldakı rəqibi Türkiyə komandası olacaq

623 13.05.2017

V İslam Həmrəyliyi Oyunlarında həndbol yarışları avqustun 7-də başlayacaq

704 27.07.2022

Avropa Həndbol Federasiyasının nümayəndəsi İsgəndər Əsgərov Türkiyədə keçiriləcək oyuna dəvət alıb

709 30.12.2021

Qadın həndbolçularımız Avropa çempionatının təsnifat mərhələsində mübarizəyə başlayırlar

380 10.10.2023

Azərbaycan çempionatında pley-off mərhələsinə start verilib

664 24.03.2018

Həndbol üzrə 30-cu Azərbaycan çempionatı yeni formatda keçiriləcək

417 19.10.2023

Prezident İlham Əliyev və birinci xanım Mehriban Əliyeva V İslam Həmrəyliyi Oyunlarında nəticə əldə etmiş idmançılarla görüşüblər

589 22.08.2022

Ulu öndərin xatirəsinə həsr edilən həndbol turniri keçiriləcək.

713 30.04.2018