Azərbaycan birinciliyinin zona yarışları start götürür

23.03.2025

989

Paylaş:

Azərbaycan birinciliyinin zona yarışları start götürür

Həndbol üzrə 2010-cu il və daha kiçik yaş qrupundan olan oğlanlar arasında Azərbaycan birinciliyinin zona mərhələsi yarışları öz başlanğıcını elan edir. Bu mühüm turnir ölkənin müxtəlif regionlarından gələn yeniyetmə həndbolçuların iştirakı ilə keçiriləcək.

Zona yarışlarının ilk mərhələsi martın 24-ü Şəmkir Olimpiya Kompleksində gerçəkləşəcək. Tədbirdə Qərb bölgəsini təmsil edən Gəncə, Göygöl, Mingəçevir, Qazax, Şəmkir və Tovuz komandaları mübarizə aparacaq.

Növbəti zona yarışı isə martın 26-sı Cəlilabad Olimpiya Kompleksində baş tutacaq. Burada Cənub bölgəsindən Biləsuvar, Cəlilabad, Lənkəran, Lerik, Neftçala və Yardımlı komandaları öz bacarıqlarını sınaqdan keçirəcək.

Yarışın texniki reqlamentinə əsasən, püşkatma hər bir zona mərhələsinin ilk oyun günündə həyata keçiriləcək. Mübarizə zamanı komandalar qələbə qazandıqda 2 xal, heç-heçə etdikdə 1 xal, məğlubiyyətə uğradıqda isə 0 xal əldə edəcək. Hər zona yarışında birinci və ikinci yerləri tutan komandalar final mərhələsinə vəsiqə qazanaraq Azərbaycan birinciliyində iştirak hüququ əldə edəcəklər.

Gənclər və İdman Nazirliyi ilə Azərbaycan Həndbol Federasiyasının birgə təşkilatçılığı altında keçiriləcək zona yarışları ölkədə həndbolun inkişafı ilə yanaşı, yeniyetmələrin potensialını üzə çıxarmaq məqsədi daşıyır.

Son Xəbərlər

27.09.2025

Şəhidlərimizi dərin hörmət və ehtiramla anırıq!...

26.09.2025

İsgəndər Əsgərov “Start Elblaq” - “Trabzon Ortahis...

24.09.2025

Minayə Məmmədova: “Komandada dəyişikliklərin olmas...

22.09.2025

Ləman Həmidova: "Hər zaman xəyallarımızdan beynəlx...

Azərbaycan birinciliyinin zona yarışları start götürür

Son Xəbərlər

27.09.2025

26.09.2025

24.09.2025

22.09.2025

Digər Xəbərlər