“Bakı” çətin Mingəçevir səfərindən xalla qayıtdı

17.03.2024

1827

Paylaş:

Kişi həndbolçuların Azərbycan çempionatında 14-cü turun mərkəzi matçı Mingəçevirdə “Kür” və “Bakı” arasında olub. “Kür” Olimpiya Tədris-İdman mərkəzində təşkil olunan bu komandaların görüşü gərgin idman mübarizəsində keçib. Bərabər səviyyəli oyun nümayiş etdirən tərəflər fasiləyədək təşəbbüsə yiyələnmək istəyini reallaşdıra bilməyiblər. İlk hissənin yekununda “Kür” bir xallıq fərqlə irəli çıxıb - 13:12. Oyunun ikinci hissəsi daha maraqlı keçib. Hesabdakı üstünlüyü artırmağa çalışan Mingəçevir həndbolçuları rəqibin ciddi müqaviməti ilə üzləşiblər. Meydan sahibləri bəzi epizodlarda buna nail olsalar da, paytaxt təmsilçisi yüksək əzmkarlıq göstərib. Matçın son iki dəqiqəsini bir nəfər azlıqda keçirən və 24:26 hesabı ilə geridə olan “Bakı” yekunda çətin səfəridən xalla qayıtmağa nail olub. Belə ki, son dəqiqələrdə baş məşqçi Eldar Fərəcovun taymautu nəticəsini verib və “Bakı” həndbolçuları bərabərliyi təmin ediblər. Mübarizənin başa çatmasına saniyələr qalmış “Kür” cərimə zərbəsindən yararlana bilməyib. Beləliklə qarşılaşma 26:26 hesabı ilə yekunlaşıb.

14 turdan sonra hesabında 20 xalı olan Mingəçevir klubu ilk pillədə qərarlaşıb. Ondan iki xal geri qalan “Bakı” və “Azəryol” ikinci-üçüncü yerləri bölüşür.

Qadın həndbolçuların yarışında isə 12-ci turdan təxirə salınmış bir görüş keçirilb. Mingəçevirdə yerli “Kür” “İdman Akademiyası”nı qəbul edib. Matçın ilk hissəsini 20:10 hesabı ilə öndə başa vuran meydan sahibləri fasiləsindən sonra da üstünlüyünü əldən verməyib. 38:21.

Son Xəbərlər

24.11.2025

Gənc həndbolçularımız Kosovada güclərini sınayacaq...

24.11.2025

Azərbaycanlı hakimlər Avropa Liqasınnın oyununu id...

17.11.2025

İslamiada: Qadın həndbolçularımız Qazaxıstan ilə ...

15.11.2025

Millimizin Özbəkistanla oyununun başlama saatı də...

“Bakı” çətin Mingəçevir səfərindən xalla qayıtdı

Son Xəbərlər

24.11.2025

24.11.2025

17.11.2025

15.11.2025

Digər Xəbərlər