Cəlilabad komandası respublika finalına vəsiqə qazanıb

06.01.2024
1181
Paylaş:

Lənkəran Olimpiya İdman Kompleksində 2008-ci il və ondan kiçik təvəllüdlü yeniyetmələr arasında Azərbaycan birinciliyinin zona yarışı keçirilib.
Açılış mərasimində iştirakçıları salamlayan Azərbaycan Həndbol Federasiyasının (AHF) İdman Şöbəsinin müdiri, Avropa Həndbol Federasiyasının nümayəndəsi İsgəndər Əsgərov onları 31 Dekabr - Dünya Azərbaycanlılarının Həmrəyliyi Günü və Yeni il bayramı münasibətilə təbrik edib. Belə yarışların keçirilməsinin vacibliyini vurğulayan mütəxəssis komandalara uğurlar arzulayıb.
Açılış mərasimindən sonra Dövlət himni səsləndirilib. 
Ardınca komandalara Azərbaycan Həndbol Federasiyası tərəfindən geyim dəstləri və toplar hədiyyə edilib.
Gənclər və İdman Nazirliyi və Azərbaycan Həndbol Federasiyasının birgə təşkil etdiyi yarışda Cəlilabad, Masallı, Yardımlı, Lerik, Lənkəran və Astara komandaları mübarizə aparıb.
İki gün davam edən zona yarışlarının nəticələrinə əsasən qalib və mükafatçılar müəyyənləşib. 
Həlledici qarşılaşmada Lənkəran komandasına 13:4 hesabı ilə qalib gələn Cəlilabad kollektivi baş mükafatın sahibi olub.
3-cü yeri Masallı – Lerik görüşündə qələbə qazanan Lerik komandası tutub.
Astara həndbolçuları isə Yardımlı komandası ilə 5-6-cı yerlər uğrunda oyundan qalib ayrılıblar.
Reqlamentə əsasən, 1-ci və 2-ci yerlərin sahibləri iyun ayında Bakıda keçiriləcək Azərbaycan birinciliyinin final mərhələsində iştirak etmək hüququ qazanıblar.

Digər Xəbərlər

Qadın həndbolçulardan ibarət Azərbaycan millisi 5-ci İslam Həmrəyliyi Oyunlarının gümüş mükafatına layiq görülüb

1418 14.08.2022

Yeniyetmə həndbolçuların yarışında növbəti oyunlar olub

1367 13.04.2017

Qadın həndbolçuların Azərbaycan çempionatında son iki turun oyunları ilə mübarizəyə yekun vurulub

1297 21.04.2023

Azərbaycan çempionatı: I turun növbəti oyunları

543 14.09.2024

Orxan Abbasova “Dövlət qulluğunda fərqlənməyə görə” medalı təqdim edilib

1575 22.12.2021

“Azəryol” çempionluğa doğru irəliləyir

90 16.04.2025

“İdman Akademiyası” komandası Azərbaycan çempionatında liderliyi davam etdirir

1545 13.02.2023

Həndbol üzrə növbəti Azərbaycan çempionatına start veriləcək

498 11.09.2024