Həndbol üzrə Bakı şəhər birinciliyinə start verilib

26.01.2023
1791
Paylaş:

2 fevral - Gənclər Günü münasibəti ilə “AHF Arena”da həndbol üzrə 9 komandanın (5 qız, 4 oğlan) iştirakı ilə  2008-2009-cu il təvəllüdlü və daha kiçik yaşlı yeniyetmə oğlanlar və qızlar arasında həndbol üzrə Bakı şəhər birinciliyinə start verilib.
Bakı şəhər Gənclər və İdman Baş İdarəsi və AHF-nin birgə təşkilatçılığı ilə keçirilən yarışda Respublika Kompleks İdman Məktəbinin (RKİM) komandası,  2 saylı Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin (RİOEUGİM) təmsilçiləri, 6 saylı İxtisaslaşdırılmış Olimpiya Ehtiyatları Uşaq-Gənclər İdman Məktəbinin (İOEUGİM) həndbolçuları iştirak ediblər.
Yarışın ilk günündə qızlardan ibarət komandalar iki, oğlanlar isə bir dəfə meydana çıxmaqla, ümumilikdə üç oyun keçirilib. Açılış matçında 6 saylı İOEUGİM-1 və 6 saylı İOEUGİM- 2 komandaları üz-üzə gəlib. Gərgin mübarizə şəraitində keçən oyun 6 saylı İOEUGİM-1  həndbolçularının 14:12 hesablı qələbəsi ilə yekunlaşıb.
Dairəvi sistem ilə keçirilən yarışın açılış mərasimində AHF-nin baş katibi Yusif Atakişiyev, beynəlxalq dərəcəli deleqat İsgəndər Əsgərov,  Olimpiya çempionu Lyudmila Şubina və Bakı şəhər Gənclər və İdman Baş İdarəsinin rəis müavini Rəşad Əliyev çıxış edərək iştirakçılara uğurlar arzulayıblar. 
Açılış mərasimindən sonra oğlanlar arasındakı  qarşılaşmada 6 saylı İOEUGİM-1 komandası 6 saylı İOEUGİM- 2-ni 17:4 hesabı ilə məğlub edib.
Günün son görüşündə 6 saylı İOEUGİM-1  6 saylı İOEUGİM-3 komandası üzərində qələbə qazanıb – 25:4. 
Birincilik Bakı şəhərində həndbol idman növünün təbliği və inkişaf etdirilməsi,   idman təşkilatlarında təlim–məşq işinin təkmilləşdirilməsi, şəhər yığma komandasına namizədlərin seçilməsi, yeniyetmə və gəncləri həndbol üzrə müntəzəm məşğul olmağa cəlb etmək və ustalıq səviyyəsini artırmaq   məqsədini daşıyır.
Fevralın 1-dək davam edəcək yarışların qaliblərinə  diplomlar və medallar veriləcək.

Digər Xəbərlər

“Məhsul” komandası ilk məğlubiyyətlə barışıb

1591 03.12.2017

Həndbol hakimlərimiz Ernest və Emil Ağakişi qardaşları yeni təyinat alıblar

1449 18.02.2022

Avropa çempionatı: Azərbaycan - Sloveniya 06:58

1293 06.08.2023

VII tur: Kür - İdman Akademiyası 49:16

1002 14.01.2024

İyunda Şotlandiyada Avropa Həndbol Federasiyasının illik konqresi keçiriləcək

1518 19.05.2018

Milli komandamızın dünya çempionatının ilkin təsnifat mərhələsindəki rəqibləri məlumdur

1551 27.06.2018

Avropa çempionatı: GRE (Yunanıstan) - GEO (Gürcüstan) 29:17

1327 13.08.2023

Avropa Kuboku: Azəryol (Azərbaycan) - Qaliçanka (Ukrayna) 22:36 (12:15)

577 05.10.2024