Ölkə çempionatında növbəti oyunlar olub

03.12.2022

1923

Paylaş:

Həftəsonu kişi həndbolçuların ölkə çempionatında növbəti oyunlar olub. Yarışın əsas favoritlərindən sayılan “Dinamo” komandası V turda RİOEUGİM kollektivini sınağa çəkib. Nominal ev sahibinin tam üstünlüyü ilə keçən qarşılaşma 45:21 hesabı ilə nəticələnib.
“Məhsul” – U-16 görüşündə də səviyyə fərqi hesabda əksini tapıb - 43:18.
“İdman Akademiyası” – “Təhsil” matçı daha gərgin mübarizə ilə yadda qalıb. Bu qarşılaşmadan “İdman Akademiyası” kollektivi qələbə ilə ayrılıb - 31:24.
RİOEUGİM komandası “Dinamo” ilə VI turun görüşündə də məğlubiyyətdən qurtula bilməyib. Görüş 52:21 hesabı ilə dinamoçuların xeyrinə nəticələnib.
U-16 bu turda da “Məhsul”un qarşısını ala bilməyib – 16:45.
“Təhsil” komandası isə “İdman Akademiyası” kollektivinə V turdakı məğlubiyyətin əvəzini çıxıb. Gərgin mübarizə ilə yadda qalan oyun 27:26 hesabı ilə “Təhsil”in xeyrinə nəticələnib.
“Məhsul” 6 oyundan 17 xalla çempionatın lideridir. “İdman Akademiyası” 15 xalla 2-ci, iki oyun keçirən “Dinamo” 12 xalla 3-cü pillədədir. 4-cü pillədəki “Təhsil”in 9, 5-ci yerdə qərarlaşan “Bakı”nın 1 xalı var. RİOEUGİM və U-16 komandaları hələ ki, xal qazana bilməyib.

Son Xəbərlər

27.09.2025

Şəhidlərimizi dərin hörmət və ehtiramla anırıq!...

26.09.2025

İsgəndər Əsgərov “Start Elblaq” - “Trabzon Ortahis...

24.09.2025

Minayə Məmmədova: “Komandada dəyişikliklərin olmas...

22.09.2025