Favoritlərin növbəti qələbəsi

25.11.2019

1653

Paylaş:

Kişi həndbolçuların respublika çempionatında mübarizə davam edir. Yarışın 6-cı turu favoritlərin qələbəsi ilə yadda qalıb. Son ölkə çempionu “Məhsul” autsayder U-18 komandası ilə görüşdə ciddi müqavimətlə üzləşməyib. Rəqibi bütün göstəricilərdə üstələyən “Məhsul” 32:22 hesabı ilə qalib gəlib.

“Bakı” – “Təhsil” matçında isə nominal ev sahibinin imkanları daha yüksək qiymətləndirilirdi. Çempionluq uğrunda mübarizə aparan “Bakı”, xal ehtiyatını artırmaq fürsətini qaçırmayıb. Təcrübəli rəqibin kəskin hücumlarını dəf etməkdə çətinlik çəkən “Təhsil” həndbolçuları növbəti məğlubiyətlə barışmalı olublar – 30:18.

Bu qələbə ilə xal sayını 10-a çatdıran “Bakı” yarış cədvəlinə başçılıq edir. Eyni xala malik “Məhsul” ikinci pillədə qərarlaşıb. 3 xalı olan “Təhsil” 3-cü yerin sahibidir. Autsayder U-18-in aktivində isə 1 xal var.

Son Xəbərlər

22.07.2025

22 iyul Milli Mətbuat Günüdür

18.07.2025

Gənc hakimlərimiz beynəlxalq təcrübə qazanır...

15.07.2025

Avropa Kuboku turnirində klublarımızın rəqibləri m...

10.07.2025