Lider mövqeyini bir qədər də möhkəmlədib

03.11.2018

2419

Paylaş:

Noyabrın 3-də qadın həndbolçuların Azərbaycan çempionatında növbəti turun oyunları keçirilib.
Günün ilk görüşündə çempionatın lideri "Azərsu" "İdman Akademiyası" komandasını sınağa çəkib. Nominal meydança sahibinin üstünlüyü ilə keçən qarşılaşmada sürpriz qeydə alınmayıb. Daha inamlı oyun göstərən "Azərsu", 20 top fərqi ilə qalib gəlib - 38:18.
Yarışın autsayderi - “Gənclər Birliyi”nin "qara zolaqdan" qurtulmaq cəhdi bu dəfə də alınmayıb. "Qarabağ"ın kəskin həmlələrini dəf etməkdə çətinlik çəkən "Gənclər Birliyi", 22:44 hesabı ilə uduzub.
"Azərsu" 6 oyundan maksimum nəticə ilə çempionatın vahid lideridir. Ondan 3 oyun az keçirən "Azəryol" 4 xalla ikinci pillədə qərarlaşıb. Eyni xalı 4 oyuna qazanan "Qarabağ" 3-cü yerdədir. "Olimpiya" ilə "İdman Akademiyası" hərəyə 3 xalla 4-cü - 5-ci yerləri bölüşür. Aktivinə hələ ki, xal yazdıra bilməyən "Gənclər Birliyi" yarışın autsayderidir

Son Xəbərlər

27.09.2025

Şəhidlərimizi dərin hörmət və ehtiramla anırıq!...

26.09.2025

İsgəndər Əsgərov “Start Elblaq” - “Trabzon Ortahis...

24.09.2025

Minayə Məmmədova: “Komandada dəyişikliklərin olmas...

22.09.2025