Yeniyetmə həndbolçularımız açıq Avropa turnirində mübarizəni davam etdirirlər

04.07.2018

2394

Paylaş:

2002-2003-cü il təvəllüdlü həndbolçu qızların açıq Avropa turniri davam edir. Azərbaycan komandası İsveçin Göteborq şəhərində keçirilən yarışda növbəti görüşlərinə çıxıb.

“C” qrupunda yer alan həndbolçularımız İslandiya millisinə 8:27, İspaniya kollektivinə isə 12:21 hesabı ilə uduzub.

3-cü məğlubiyyətlə üzləşən millimiz aktivindəki 2 xalla qrup mərhələsini sonuncu yerdə bitirib. Fransa 8 xalla birinci, İspaniya 6 xalla ikinci yeri tutub. İslandiya və Finlandiya üçüncü-dördüncü yerləri bölüşüblər.

Reqlamentə əsasən, qrupda ilk iki yeri tutan komandalar növbəti mərhələdə birinci və ikinci qruplarda mübarizəni davam etdirəcəklər. Digər kollektivlər isə aralıq mərhələdə üçüncü və dördüncü qruplarda qüvvələrini sınayacaqlar.

4-cü qrupda yer alan həndbolçularımız iyulun 4-də Estoniya seçməsi ilə qarşılaşacaqlar.

Yarışın qalib və mükafatçıları iyulun 6-da müəyyənləşəcək.

Son Xəbərlər

18.01.2026

Ölkə çempionatı: "Kür" - "Azəryol" 31:26 (17:11)...

17.01.2026

Ölkə çempionatı: Qarabağ - Təhsil 36:21 (16:9)...

16.01.2026

Çempionatın iddialıları 5-ci turda üz-üzə gələcək...

14.01.2026