İyunda Şotlandiyada Avropa Həndbol Federasiyasının illik konqresi keçiriləcək

19.05.2018

774

Paylaş:

İyunun 19-20-də Şotlandiyanın paytaxtı Qlazqoda Avropa Həndbol Federasiyasının (EHF) illik konqresi keçiriləcək.

Texniki komissiyanın iyunun 18-nə təyin olunan iclası da daxil olmaqla konqresin proqramı və səsverməyə çıxarılacaq mövzular artıq təsdiqlənib.

Konqresdə EHF-in prezidentinin, baş katibinin, texniki, yarış, metodiki, çimərlik həndbolu komissiyalarının və qanuni nümayəndənin hesabatları dinləniləcək. Həmçinin 2016-2018-ci illərə dair maliyyə hesabatları təqdim olunacaq, bu il üçün büdcə təsdiqlənəcək.

Konqresdə federasiyanın sabiq prezidenti Jan Brihaultın başçılıq etdiyi işçi qrupunun 2020-ci ildən sonra EHF-də struktur dəyişikliyi ilə əlaqədar tövsiyələri nəzərə alınıb. Bununla yanaşı, milli federasiyalar tərəfindən də təkliflər irəli sürülüb. Norveç konqreslərə müstəqil müşahidəçi dəvət edilməsini, Slovakiya nümayəndələrin təyin olunmasında peşəkarlıq məsələsinin nəzarətdə saxlanılmasını, İsveçə həndbolçuların idman geyimlərinin üzərindəki reklamların əks olunmasını təklif edib.

EHF-nin konqresində müzakirəyə çıxarılacaq digər məsələlər arasında 2019–cu ildəki dünya çempionatının Avropa təsnifat turnirinin püşkünün atılması, Avropa Həndbol Federasiyasının 15-ci illik konqresinin, 2022-ci və 2024-cü illərdə keçiriləcək kişilər və qadınlar arasında Avropa çempionatlarının təşkil olunacağı yerlərin seçilməsi və s. də var.

Ölkəmizi konqresdə AHF-nin prezidenti, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov və vitse-prezident Orxan Abbasov təmsil edəcək.

Son Xəbərlər

18.05.2024

ALMATA(Qazaxıstan) - Azərbaycan 20:28 (8:13)...

17.05.2024

ROPSTTM (Özbəkistan) - Azərbaycan 31:39 (18:20)...

16.05.2024

Azərbaycan – OKMK (Özbəkistan) 30:28 (18:13)...

15.05.2024