Ümummilli lider Heydər Əliyevin anadan olmasının 95-ci ildönümünə həsr olunan beynəlxalq həndbol turnirinə bu gün yekun vurulub.
Yarış təşkilatçıları və turnirə qatılan Gürcüstanın nümayəndə heyəti həlledici oyunlardan əvvəl Fəxri xiyabana gələrək ulu öndər Heydər Əliyevin xatirəsini dərin hörmətlə yad edib, məzarı önünə gül dəstələri qoyublar.
Turnirin son oyun günü gərgin və maraqlı qarşılaşmalarla yadda qalıb. “Batumi” və Gürcüstanın “U-20” komandasının görüşündə qalibin adına bir xal aydınlıq gətirib – 37:36. Gərginliyi ilə heç də geri qalmayan “Bakı” - “Məhsul” matçında isə ikincilər 41:39 hesabı ilə qalib gəliblər.
Üç gün davam edən maraqlı mübarizənin nəticələrinə əsasən, “Məhsul” komandası yarışın baş mükafatına layiq görülüb. “Bakı” və “Batumi” kollektivləri “ilk üçlüyü” qapayıblar.
Bağlanış mərasimində iştirakçılara Azərbaycan Həndbol Federasiyasının prezidenti Saleh Məmmədovun salamlarını çatdıran federasiyanın vitse-prezidenti Orxan Abbasov Ulu Öndərin idmana göstərdiyi diqqət və qayğıdan söz açıb. Həmin siyasətin bu gün prezident İlham Əliyev tərəfindən uğurla davam etdirildiyini deyən Orxan Abbasov Azərbaycanın dünyanın idman mərkəzinə çevrilməsini məhz bunun bariz nümunəsi olduğunu vurğulayıb.
Gözəl və maraqlı mübarizəyə görə həndbolçulara minnətdarlığını bildirən federasiya rəsmisi qaliblərə təbriklərini çatdırmaqla yanaşı, digər komandaların üzvlərinə ruhdan düşməməyi tövsiyə edərək gələcək yarışlarda uğurlar arzulayıb. Bu cür turnirlərin əhəmiyyətini yüksək qiymətləndirən vitse-prezident Gürcüstan həndbolçuları ilə təcrübə mübadiləsinin gələcəkdə də davam etdirilməsinin vacibliyini vurğulayıb.
13.05.2024
“Kür” Azərbaycan çempionudur...
09.05.2024
9 May -faşizm üzərində Qələbə günüdür...
Azərbaycan idman ictimaiyyətinə ağır itki üz verib
627 01.06.2021
Avropa çempionatı: Gürcüstan - Azərbaycan 39:13
386 05.08.2023
Həndbolçularımız Bolqarıstan kollektivi ilə qarşılaşıb
684 25.04.2023
Həndbol ictimaiyyətinə ağır itki üz verib
1161 27.09.2019
Məktəblilər arasında həndbol üzrə turnir başa çatıb
961 07.05.2019
“Azəryol” həlledici görüşdə əsas rəqibini üstələdi
817 15.04.2019
Həndbolçularımız İslam Həmrəyliyi Oyunlarında iştirak etmək üçün Türkiyəyə yola düşüblər
625 06.08.2022
Avropa çempionatı: BIH (Bosniya və Herseqovina) - GRE (Yunanıstan) 32:30
488 12.08.2023