“Challenge Trophy” yarışının qalibi məlumdur

06.04.2018

2073

Paylaş:

Bosniya və Herseqovinanın Tuzla şəhərində 2000-2001-ci il təvəllüdlü qızların qatıldığı “Challenge Trophy” turniri başa çatıb.

Həlledici görüşdə Bosniya və Herseqovina komandası ilə Belçika seçməsi qarşılaşıb. Gərgin mübarizə ilə yadda qalan oyunda 27:26 hesabı ilə qələbə çalan ev sahibləri baş mükafata layiq görülüblər.

Üçüncü yerin sahibi Estoniyanı 22:21 hesabı ilə məğlub edən Lüksemburq kollektivi olub.

Beşinci-altıncı yerlər uğrunda oyun Moldovanın Kipr üzərində 41:24 hesablı qələbəsi ilə nəticələnəib.

Digər təsəlliverici oyunda Azərbaycan millisi Böyük Britaniya seçməsinə 28:22 hesabı ilə qalib gələrək, yeddinci yeri tutub. “KSPC Mejdan”da keçirilən matçın hakimləri xorvatiyalı İvana Koren və Vedrana Stancir olub. Avropa Həndbol Federasiyasını isə rusiyalı Lüdmila Bodnieva və Bosniya və Herseqovinalı Vladimir Yoviç təmsil edib.

Rəqib qapılarından 45 top keçirən həndbolçumuz Kamilə Bayramova yarışın ən məhsuldar oyunçusu adına layiq görülüb.

Son Xəbərlər

27.09.2025

Şəhidlərimizi dərin hörmət və ehtiramla anırıq!...

26.09.2025

İsgəndər Əsgərov “Start Elblaq” - “Trabzon Ortahis...

24.09.2025

Minayə Məmmədova: “Komandada dəyişikliklərin olmas...

22.09.2025